Home » » Bagian Dikhi

Bagian Dikhi

Ku kakhang kumbang Gedang
betik kidang ya pahik
jak lunik je kusandang
togok balak nyak tepik

nyak jadi jekhma malang
hokhek juga mengemik
bapak ku khadu Mulang
nyak tepik liwan sakik

ya allah mati malang
hokhek ku liwan sakik
gegoh jukuk kiyambang
mak nantu dipa tepik

kipak nyak haga mulang
mulang mik dipa kekik
mengedok say sayang
najin kantik ku khamik

ulih anggop ne tiyaan
dikhi ku kinjuk nye nyik
benalu hane tiyaan
hokhek numpang sai bangik

khadu cawa ne tiyan
da ikin ni nyak khedik
lamon ga di uyunan
nambah pengkhituk hukhik

disan hati mak tahan
batuyan liwan sakik
mati malang mu badan
ku temah kipak tepik

lapah injuk bambangan
ngebatok hiwang sakik
mak nantu di Tujuan
mikdapa hakhungan hukhik

tulung nyak kidah bapak
kayak nyak nutuk kuti
sakik ga nyak mu liyak
hokhek ku mak bu kheti

mak dok ngan ku numpak
sungi bugendom dikhi
unyin puakhi nulak
sipa sai ku khatongi

ya allah niku bapak
allah tuhan qu robbi
ki dapok kupu tulak
ku tokko bagian dikhi

khepa nyak ga bugekhak
mengdok sungi budandi
bulayakh jukung gekhak
bulan tanggal se hakhi

nabik ya tabik nihan
jama tuhan say mulya
kantu mak sebngik'an
mahap ku ngalim pukha

cambay patoh junjungan
tuwoh di biding khimba
huwok sisa tapiyaan
tumban mawat ti haba

tabik ngalim pukha
Jama indai se unyin Ni
Share this article :

0 komentar:

Posting Komentar